Sampung mga miyembro ng matagal ng nabuwag na Dawlah Islamiya ang napatay ng mga pulis at sundalo sa isang engkwentro sa Barangay Banga-Pantar sa Marantao, Lanao del Sur madaling araw nitong Biyernes, April 17.

Sa mga hiwalay na ulat nitong tanghali ng Biyernes, kinumpirma nila Army Lt. Gen. Donald Gumiran, commander ng Western Mindanao Command, at ni Brig. Gen. Jaysen De Guzman, director ng Police Regional Office-Bangsamoro Autonomous Region, ang pagkasawi sa insidente ng 10 na mga Dawlah Islamiya members, kabilang ang kanilang leader na si Amerol Mangoranca.

Apat sa mga napatay na mga kasama ni Mangoranca ay mga babaeng na armado, ayon kina Gumiran at De Guzman.

Hahainan lang sana ng mga agents ng Criminal Investigation and Detection Group, ng mga pulis mula sa iba’t-ibang units ng PRO-BAR at ng mga tropa ng 103rd Infantry Brigade sina Mangoranca at ang kanyang mga kasama ngunit bago pa man sila nakalapit sa kanilang hideout sa Barangay Banga-Pantar ay namaril na ang mga ito kaya nagka-palitan ng putok.

Agad na namatay sa mga tama ng bala sina Mangoranca at ang kanyang siyam na mga tauhan, ayon sa mga hiwalay na ulat ng local government unit ng Marantao at ng mga officials ng Lanao del Sur Provincial Police Office.

Si Mangoranca at lahat ng kanyang kasamang namatay din sa naturang engkwentro ay wanted sa mga kasong multiple murder, multiple frustrated murder, armed robbery, arson, extortion at trafficking of narcotics, na nakabinbin sa ibat-ibang mga korte sa Lanao del Sur sa Bangsamoro region at sa mga bayan sa Lanao del Norte at sa Iligan City na sakop ng Region 10.

Nakumpiska ng mga pulis at mga sundalo ang dalawang M16 rifles, isang M14 rifle, isang .30 caliber M1 Garand, isang .38 caliber revolver, isang fragmentation grenade at mga components ng improvised explosive devices sa tabi ng mga bangkay nila Mangoranca at ng kanyang mga kasama.(April 17, 2026)

Isang 54-anyos na dealer ang napatay ng mga agents ng Philippine Drug Enforcement Agency ng pumalag at namaril ng kanyang nabentahan ng shabu sa isang entrapment operation sa Barangay Purakan sa Balabagan, Lanao del Sur nitong Miyerkules, April 15.

Sa ulat nitong Huwebes ng mga local executives at mga Maranao traditional leaders na tumulong sa paglatag ng naturang entrapment operation, ang napatay na 54-anyos na si Farouk Ampuan Ansa, residente ng Calanogas, Lanao del Sur, ay matagal ng kilalang dealer ng shabu at marijuana na may mga kasabwat sa ilang hindi kalayuang mga bayan sa Zamboanga del Sur sa Region 9

Nasamsam ng mga agents ng PDEA-Bangsamoro Autonomous Region sa nasawing si Ansa ng kalahating kilong shabu, nagkakahalaga ng P3.4 million, inaalam na kung sino ang supplier na kanyang kasabwat.

Sa pahayag nitong Huwebes ni Edgar Jubay, director ng PDEA-BARMM, pumalag ang suspect ng mahalatang mga anti-narcotics agents at mga pulis pala ang kanyang bebentahan ng shabu sa isang lugar sa Barangay Purakan kaya ito naglabas ng baril at agad na pinaputukan ang kanyang mga ka-transakyon.

Nagsanhi ng palitan ng putok ang pag-palag ni Ansa na nagresulta sa kanyang pagkamatay. Na-deklara siyang dead on arrival ng mga doctor sa isang hospital kung saan siya dinala ng mga emergency responders upang malapatan sana ng lunas.

Maliban sa P3.4 million na halaga ng shabu, nakumpiska din ng PDEA-BARMM agents ang hindi lisensyadong 9 millimeter pistol ni Ansa.

Nagpasalamat si Jubay sa mga local executives sa Lanao del Sur at kay Brig. Gen. Jaysen De Guzman, director ng Police Regional Office sa kanilang pagsuporta sa naturang entrapment operation. (April 16, 2026)

Isang 22-anyos na lalaki ang agad na namatay habang sugatan naman ang isa pa sanhi ng pamamaril sa Barangay Matibay sa Lamitan City sa Basilan nitong tanghali ng Martes, April 14.

Sa ulat ng Lamitan City Police Station at ng mga barangay officials, agad na namatay sa mga tama ng bala si Ahmad Arya Musa isa sa dalawang biktima ng naturang pamamaril.

Agad namang naisugod ng mga emergency responders ang 72-anyos na si Mannan Alpa Iraham na nasugatan sa naturang pamamaril.

Nasa ligtas ng kalagayan ang senior citizen na si Iraham, ginagamot na sa Lamitan City District Hospital, ayon sa mga local executives sa lungsod at mga officials ng kanilang city police force.

Mabilis na nakatas ang mga salarin sa insidenteng nagsanhi ng pagkamatay ni Musa at pagka-hospital ni Iraham dahil sa tinamong mga tama ng bala. (April 15, 2026) 

Dalawang lalaking sakay ng isang motorsiklo ang napatay sa ambush sa mataong lugar sa Barangay Damawato sa Datu Paglas, Maguindanao del Sur nitong umaga ng Martes, ang pang 12 na na magkahalintulad na pananambang sa probinsya mula nitong nakalipas na limang buwan, lahat walang naging kalutasan.

Magkaangkas sa isang motorsiklo si Ibrahim Matukan Pigkaulan at isang kasamang hindi agad kinilala ng mga imbestigador mula sa Datu Paglas Municipal Police Station ng tambangan ng mga armadong kalalakihan na nakaabang sa kanila sa gilid ng kalye sa Barangay Damawato.

Agad na namatay ang dalawang ambush victims sa mga tama ng bala sa ibat-ibang mga parte ng kanilang katawan.

Mabilis na nakatakas ang mga nag-ambush kina Pigkaulan at kanyang kasama, ayon sa mga barangay officials sa Damawato at mga pulis na nagresponde sa insidente. (April 15, 2026) 

Sunod-sunod na putok ng mga assault rifles ang umalingangaw sa Barangay Kabulacan at Barangay Marbel sa bayan ng Matalam sa Cotabato ng magkasagupa ang mga tropa ng 40th Infantry Battalion ng Philippine Army at isang hindi pa nakikilalang armadong grupo ngayong umaga ng Miyerkules, Abril 15.

Ito ay ayon sa ulat ng Catholic Station DXMS sa Cotabato City ngayong hapon ng Miyerkules.

Nagsimula ang bakbakan bandang alas-6:00 ng umaga nang magpaputok ang armadong grupo sa Sitio Condring, Barangay Marbel, sa isang lupain na kanilang inaangkin.

Agad na rumesponde ang militar na nauwi sa habulan at palitan ng putok na umabot hanggang sa Purok 4 ng Barangay Kabulacan.

Nabatid na matagal nang may alitan sa lupa ang pinagmulan ng tensyon sa lugar. Sa kasalukuyan, wala pang ulat kung may nasawi o nasugatan sa magkabilang panig habang patuloy na kinokontrol ng mga otoridad ang sitwasyon.

Nagsasagawa na rin ng intelligence gathering ang Matalam Municipal Police Station upang pormal na matukoy ang pagkakakilanlan ng mga armadong sangkot sa gulo.

Samantala, rumesponde na rin ang ceasefire mechanisms ng Moro Islamic Liberation Front–AHJAG sa pangunguna nina Team Site-1 Head Nor-ali Alamada at Dhen Pandita upang tumulong sa pagmonitor at maiwasan ang lalong paglala ng tensyon.

Nananatiling naka-alerto ang mga tropa ng pamahalaan sa paligid ng mga apektadong barangay habang nakikipag-ugnayan sa iba pang law enforcement units sa karatig-lugar.

Inaasahan na sa pamamagitan ng koordinasyon ng militar, pulisya, at ceasefire mechanisms ay agad na maibabalik ang katahimikan sa lugar upang hindi na lumikas pa ang mga residente mula sa kanilang mga tahanan. (SOURCE: CATHOLIC STATION DXMS, COTABATO CITY)

Nakumpiska ng mga pulis ang abot sa P2.9 million na halaga ng mga sigarilyong gawa sa Indonesia sa isang anti-smuggling operation sa Timako sa Barangay Kalanganan 2 sa Cotabato City nitong madaling araw ng Miyerkules, April 15.

Kinumpirma nitong hapon ng Miyerkules ni Col. Jibin Bongcayao, director ng Cotabato City Police Office, ang pagkasamsam ng naturang kontrabando ng mga operatiba ng Cotabato City Police Station 3, sa pamumuno ni Capt. Eduardo Malicdem, at ng mga tropa ng City Mobile Force Company sa pangunguna ng kanilang force commander na si Lt. Col. John Vincent Bravo.

Ihahatid na sana ng driver at ilang kalalakihan ang mga imported na sigarilyo sa ilang mga bibili sa Cotabato City at sa mga karatig na barangay sa Maguindanao del Norte ngunit kanilang inabandona ang kanilang kulay pula na Isuzu truck, may plakang MAJ 1273, ng mapuna na may may pulis na lumalapit sa kanilang kinaroonan sa Riverside area sa Timako sa Barangay Kalanganan 2 madaling araw nitong Miyerkules.

Pinadala nila Col. Bongcayao at Brig. Gen. Jaysen De Guzman, director ng Police Regional Office-Bangsamoro Autonomous Region, sa naturang lugar ang mga pulis upang alamin ng ulat ng mga residente at mga barangay officials hinggil sa presensya ng kalalakihang nagkakarga ng malalaking kahon na may lamang mga sigarilyong gawa sa Indonesia, hinatid sa naturang lugar ng isang sasakyang pandagat na dumaong sa seaside area sa Timako.

Nasa kustodiya na ng Cotabato City Police Office ang 70 na mga kahon ng sigarilyong Bosque ang brand, nagkakahalaga ng P2.9 million, at ang truck na maghahatid sana nito sa mga negosyante sa lungsod at mga karatig na mga barangay sa Maguindanao del Norte. (April 15, 2026)

Nasamsam ng mga pulis ang abot sa P6.8 million na halaga ng shabu sa mag-asawang na-entrap nitong Lunes, April 13, sa Barangay Limbo sa Sultan Kudarat sa Maguindanao del Norte.

Iniulat nitong Martes ng mga local government officials sa Sultan Kudarat, isa sa 12 na mga bayan sa Maguindanao del Norte, na nakapiit na ang mag-asawang sina Usop Adil Angguling, 33-anyos at ang kanyang 28-anyos na kabiyak na si Gemma Abdullah Gomez Angguling, nahaharap na sa kasong paglabag sa Comprehensive Dangerous Drugs Act of 2002.

Ayon kay Brig. Gen. Jaysen De Guzman, director ng Police Regional Office-Bangsamoro Autonomous Region, agad na inaresto ang mag-asawa ng mga magkasanib na mga operatiba ng Sultan Kudarat Municipal Police Station, sa pangunguna ng kanilang hepe na si Lt. Esmael Madin, at mga pulis mula sa mga units ng Maguindanao del Norte Provincial Police Office na kanilang nabentahan ng shabu sa isang lugar sa Purok Sentro sa Barangay Limbo.

Nakumpiska mula sa mag-asawa ang isang kilong shabu, nagkakahalaga ng P6.8 million, mga mobile phones at isang 9 millimeter pistol.

Ayon kay De Guzman, naisagawa nila Madin at kanyang mga tauhan ang naturang matagumpay na entrapment operation sa tulong ng mga Muslim religious leaders at mga Moro datu na kasapi ng multi-sector Sultan Kudarat Municipal Peace and Order Council.

Ayon sa mga officials ng mga intelligence units na sakop ng PRO-BAR, kabilang ang mag-asawa, parehong nakadetine, na sa kanilang listahan ng mga large-scale shabu at marijuana dealers sa autonomous region. (April 14, 2026, Sultan Kudarat, Maguindanao del Norte)

Tatlong mga dealers, isa sa kanila babae, ang nakunan ng abot sa P690,000 na halaga ng shabu sa isang entrapment operation na naikasa sa tulong ng kanilang mga kakilala at kamag-anak sa Barangay Tambler sa General Santos City nitong gabi ng Linggo, April 12

Kinumpirma nitong Martes ng mga local executives at mga officials ng General Santos Police Office ang pagkaaresto sa naturang entrapment ng mga matagal ng minamanmanan na mga shabu dealers na sina Jerryl Suaner Tapilot, 38-anyos, James Carpus Liquit, 24-anyos, at ang kanilang 35-anyos na babaeng kasabwat na si Jenlyn Espinosa.

Sa ulat Brig. Gen. Arnold Ardiente, director ng Police Regional Office 12, agad na inaresto ng mga magkasanib na mga operatiba ng mga units ng PRO-12 at ng General Santos City Police Station 5 ang tatlong suspects matapos silang bentahan ng shabu sa isang lugar sa Purok Camachile sa Barangay Tambler, habang nakamasid sa malayo ang kanilang mga kamag-anak na nagsumbong sa pulisya ng kanilang pagbebenta ng illegal na droga.

Ayon kay Ardiente at sa mga local executives sa General Santos City, abot sa P690,000 ang halaga ng shabu na nasamsam mula kina Tapilot, Liquit at Espinosa na patagong nagbebenta ng shabu at marijuana sa mga ilang mga barangay sa lungsod

Ayon sa kay Ardiente, nagtulungan ang Regional Police Drug Enforcement Group-Special Operations Group 12, ang Regional Intelligence Division 12, ang Regional Investigation Unit 12 at ang General Santos City Police Station 5, lahat sakop ng PRO 12, sa paglatag ng naturang matagumpay na entrapment operation.

Naikasa and naturang entrapment operation batay sa ulat ng mga kamag-anak ng tatlong suspects hinggil sa kanilang pagbebenta ng shabu sa lungsod at mga karatig na mga bayan sa South Cotabato at Sarangani. (April 14, 2026)

Tatlong mga manggagawa ang nagtamo ng mga sugat at pasa sa katawan sanhi ng pagbulusok ng kanilang sinasakyan na boom truck sa malalim na gilid ng highway sa Barangay Sto. Niño sa Baguio City nitong gabi ng Lunes, April 13.

Dumausdos ang boom truck sa slaughter house compound sa Baguio City, nagresulta sa pagkawasak ng bakod at ng water tank sa loob nito.

Tatlong mga manggagawa na nasa slaughter house compound ang nahagip din boom truck, ayon sa mga kinauukulan.

Ayon sa ulat, ipinarada ng driver ang boom truck sa gilid ng highway upang mag-diskarga ng ng construction materials ngunit biglang nag -loko ang air brake system nito kaya umusad at bumulusok sa malalim na gilid ng kalye at nahulog sa slaughter house compound. (April 14, 2026, handout photo)

Anti-narcotics agents seized P125,000 worth of shabu from a construction worker, clandestinely selling his illegal merchandise in project sites, entrapped in Barangay Sto. Nino in Koronadal City on Monday, April 13.

Charlene Magdurulang, director of the PDEA 12, said on Tuesday, April 14, that the suspect is now in their custody, awaiting prosecution in court.

The 42-year-old construction worker, whom Magdurulang initially identified only as Berting, while efforts to locate his cohorts are still underway, is included in the police and PDEA 12’s list of “high value” marijuana and shabu traffickers in Region 12.

Magdurulang said the suspect was immediately frisked and detained by their agents after selling to them shabu during a tradeoff in Purok Pag-Asa in Barangay Sto. Nino in Koronadal City.

PDEA 12 agents and policemen had seized from him then P125,000 worth of shabu and his mobile phone.

Magdurulang said the operation that led to his arrest was assisted by local executives in Koronadal City and Gov. Reynaldo Tamayo, Jr. and officials of personnel of different units of the Police Regional Office 12 under its director, Brig. Gen. Arnold Ardiente.

Magdurulang said the operation was premised on reports by confidential tipsters about his shabu peddling activities to city officials and to Tamayo, who, as governor, is the presiding chairperson of the multi-sector South Cotabato Provincial Peace and Order Council. (April 14, 2026)