Napatay sa saksak ng isang ama ang kanyang 29-anyos na lalaking anak sa Barangay Sta, Cruz sa bayan ng Ronda sa Cebu nitong Biyernes, November 1, 2024.
Sa ulat ng pulisya at ng mga barangay officials sa Sta. Cruz, kilala ang napaslang na si Michael Ugbaniel sa pagiging marahas sa kanyang sariling ama, si Moises, tuwing may hindi sila pinagkakaunawaan.
Unang nagtalo ang mag-ama bago naganap ang madugong insidente nitong All Souls Day, November 1.
Una diumanong hinampas ng malaking bato ni Ugbaniel ang kanyang ama at tumakbo palayo. Hinabol siya ng kanyang ama na may dalang kutsilyo at agad siyang sinaksak sa dibdib ng maabutan.
Hindi na umabot ng buhay sa pagamutan si Ugbaniel, ayon sa mga imbestigador ng Ronda municipal police.
Nasa kustodiya na ng pulisya ang ama ni Ugbaniel na si Moises, nahaharap na sa kaukulang kaso. (Nov.3, 2024, Contributed report)
