Limang sakay ng isang puting pick-up truck ang nasaktan ng ito ay lumihis, gumulong at lumagpak ng patihaya sa isang bahagi ng Andaya Highway sa Barangay Pasay sa Del Gallego sa probinsya ng Camarines Sur nitong Biyernes, August 23, 2024.
Agad naman silang nabigyan ng kaukulang tulong ng mga emergency responders mula sa local government unit ng naturang bayan at ng mga kasapi ng Del Gallego Municipal Police Station na nagresponde sa insidente. (August 24, 2024, handout photo)
