Nakikipag-ayos na ang isang may-ari ng kotse sa may-ari ng dalawang tricycles na kanyang nabangga habang nagmamaneho ng lasing sa isang bahagi ng highway sa sentro ng Kidapawan City sa probinsya ng Cotabato madaling araw nitong Huwebes.
Naganap ang aksidente bandang 3:00 a.m. nitong nakalipas lang na Huwebes, September 5, 2024, ayon sa Kidapawan City Police Office.
Sa ulat ng mga opisyal ng Kidapawan City Police Office nitong Linggo, September 8, 2024, nagkasundo na ang may-ari ng kotse at ng dalawang tricycles na pag-usapan na lang upang tuluyan na silang ma-areglo at maipaayos na agad ang nasirang tricycles na nasangkot sa aksidente.
Sa salaysay ng mga saksi at mga pulis na nagresponde sa insidente, lango sa alak ang driver ng kotse ng kanyang mabangga ang dalawang tricycles. (September 8, 2024, handout photo, R. Patches)
