Binaha nitong umaga ng Sabado, June 29, 2024, ang Barangay Butilen sa Datu Salibo, Maguindanao del Sur kasunod ng malakas at matagal na ulan sa kapaligaran. Ang Datu Salibo ay hindi kalayuan sa mga ilog at mga lawa na konektado sa 220,000-ektaryang Liguasan Delta na mabilis umapaw tuwing tag-ulan. (June 29, 2024, handout photo)

CityMaraming mga pamilya ang apektado ng sunog nitong Biyernes, June 28, 2024, sa Barangay 28-C sa Davao City, kabisera ng Region 11 sa Mindanao.Wala pang final na pahayag ang Bureau of Fire Protection hinggil sa insidente. (JUNE 29, 2024, HANDOUT FACEBOOK IMAGE)

KORONADAL CITY (June 29, 2024) — Sagittarius Mines, Inc. (SMI) had received a citation from the municipal government of Kiblawan in Davao del Sur, for its contributions in promoting the socio-economic development of the municipality, which is covered by the firm’s Tampakan Copper-Gold Project, soon to start with permission from Malacañang, no less.Municipal Mayor Joel “Jojo” Calma cited the mining firm for uplifting the lives of his constituents through various sustainable livelihood programs, education and health projects, environmental protection activities, and capacity-building programs for local communities and Blaan Indigenous Cultural Communities (ICCs) in the area.”Maraming, maraming salamat SMI inyong tulong,” Mayor Calma said in his speech during the 58th Araw ng Kiblawan culmination program last June 18, 2024.Celebrating with this year’s theme: “Kaysarap Ng Buhay Kung Alam Mo Kung Saan Papunta”, the local chief executive outlined the positive economic changes in his town and highlighted the contributions of its partners, such as SMI.”Tanong ng iba, ano ba ang ambisyon mo para sa Kiblawan, Mayor?’ Ang sabi ko, ‘makakita lang ako ng traffic lights dito sa Kiblawan, okay na ako!’ Napakaraming mga investors na magpapaunlad ng ating bayan; andiyan na ang SMI,” Mayor Calma added.As part of its annual Social Development and Management Program (SDMP) commitments, SMI had funded numerous development projects of the municipal government of Kiblawan and other Tampakan Copper-Gold Project host municipalities — Tampakan in South Cotabato, Malungon in Sarangani and Columbio in Sultan Kudarat.SMI already spent P11.9 million for 2024 alone for programs in the areas of health, education, infrastructure, livelihood, capacity building and protection of socio-cultural values in Blaan and non-Blaan communities in Kiblawan.With all major approvals and permits from the national government secured, SMI is ready to start construction this year and produce its first copper concentrate in mid-2027. Photo show Julius Clarete, a senior staff of SMI, (second from right), receiving a special citation for the firm from Mayor Calma in recognition of the firm’s contributions to the socio-economic development of Kiblawan town. (CONTRIBUTED REPORT, JUNE 29, 2024)

Nakumpiska ng mga pulis ang abot sa P11.1 million na halaga ng imported na sigarilyong nakaimbak sa isang bahay sa Barangay Patalon sa Zamboanga City nitong gabi ng Miyerkules.

Sa ulat nitong Biyernes ni Brig. Gen. Bowenn Joey Masauding, director ng Police Regional Office-9, natagpuan ng kanilang mga operatiba ang 195 na mga kahon ng mga sigarilyong gawa sa Indonesia sa isang bahay sa Purok 5, Parfamco Drive sa Barangay Patalon sa tulong ng mga impormanteng sumusuporta sa anti-smuggling operations ng Zamboanga City Police Office.

Ayon kay Masauding, pag-aari ng isang nagngangalang Aubrey Mohammad ang bahay kung saan natagpuang nakaimbak ang mga sigarilyong gawa sa Indonesia.

Naikasa ng mga kasapi ng Zamboanga City Police Office at iba pang mga unit ng PRO-9 ang naturang anti-smuggling operation ng makatanggap ng ulat sa ilang residente ng Barangay Patalon hinggil sa pag-iimbak ng mga imported na sigarilyo sa tahanan ni Mohammad, ayon kay Masauding. (JUNE 28, 2024)

Nasamsam nitong gabi ng Huwebes ng mga pulis sa karagatan ng Zamboanga City ang abot sa P19.8 million na halaga ng imported na sigarilyo na lulan ng maliit na sasakyang pandagat na patungo sana sa bayan ng Sultan Naga Dimaporo sa Lanao del Norte.Sa ulat nitong Huwebes ng Police Regional Office-9, naglalayag ang naturang sasakyang pandagat, may kargang 346 na mga kahon ng sigarilyong gawa sa Indonesia, ng nasabat ng mga kasapi ng ibat-ibang units nito hindi kalayuan sa Sinunuc Island na sakop ng Zamboanga City.Nasa kustodiya na ng PRO-9 ang nasamsam na mga imported na sigarilyo na nagkakahalaga ng P19.8 million at naka-detine na rin ang pitong taong maghahatid sana nito sa ibat-ibang mga barangay sa baybayin ng Sultan Naga Dimaporo.Sa pahayag nitong Huwebes, pinuri ng PRO-9 ang mga pulis na naka-kumpiska ng naturang kontrabando sa isang anti-smuggling operation na nag-resulta din sa pagkaaresto ng pitong mga lalaking sakay ng sasakyang pandagat na pinag-kargahan nito. (June 27, 2024)

Namatay sa pagkalunod ang tatlong mga batang lalaki habang nanghuhuli ng isda sa isang malalim na fishpond sa Barangay Dalapitan sa Matalam, Cotabato kamakalawa.Sa mga hiwalay na ulat nitong Huwebes, kinumpirma ng Matalam Municipal Police Station at ni Roel Vargas, tagapamahala ng Matalam Municipal Disaster Risk Reduction and Management Office ang pagkamatay ng tatlong bata na hindi na kinilala sa kahilingan ng kanilang mga pamilya.May paniwala ang mga imbestigador ng Matalam MPS at si Vargas na posibleng unang nalunod ang isa sa tatlong mga batang lalaki sa malalim na bahagi ng fishpond sa Purok Santol sa Barangay Dalapitan at nalunod na rin ang dalawa nitong kasama sa tangkang pagsagip sa kanya. Ayon kay Matalam Vice Mayor Ryan Rafael, tutulungan nila ang mga pamilya ng biktima sa pagpapalibing ng mga ito.Nanawagan din si Rafael sa mga barangay officials sa Dalapitan, sa kanilang MDRRMO at sa Matalam MPS na imbestigahan ng malalim ang insidente. (JUNE 27, 2024, HANDOUT PHOTO)

Tadtad ng bala ang barangay hall ng Bialong sa Shariff Aguak, Maguindanao del Sur ng pagbabarilin ng armadong grupo na pinaputukan din ang maghahatid ng ayuda sa mga walang kalaban-labang mga residenteng kanilang ginulo nitong Martes, June 25, 2024.Sa ulat nitong Miyerkules ng Maguindanao Provincial Police Office at ng mga mga opisyal ng Army units na sakop ng 6th Infantry Division, grupo ni Boy Trenta ng 118th Base Command ng Moro Islamic Liberation Front ang responsable sa naturang kaguluhan, kagalit ng chairman ng Barangay Bialong na si Mohammad Upam.Pinaputukan din nila Trenta ang convoy ni Shariff Aguak Mayor Akmad Ampatuan, Sr. at mga sundalo at mga pulis na maghahatid ng relief supplies para sa mga residenteng apektado ng kaguluhan, nag-ugat sa kanilang hindi pagkakaunawaan ng mga barangay officials na masigasig ang suporta sa anti-terror operations ng pulisya at ng 33rd Infantry Battalion na naka-base sa naturang bayan.Nabalam ng ilang oras ang relief mission nila Ampatuan para sa mga residente ng Barangay Bialong dahil pinigilan niyang gumanti ng putok ang mga kasamang mga sundalo at mga pulis upang hindi nila malabag ang ceasefire agreement ng MILF at ng gobyerno.Sa mga hiwalay na pahayag, nanawagan si Ampatuan, si Brig. Gen. Prexy Tanggawohn, director na Police Regional Office at si Army Major Gen. Alex Rillera, commander ng 6th Infantry Division, sa liderato ng MILF at sa government ceasefire committee na ayusin ang kaguluhan sa Barangay Bialong ng ayon sa mga paraang nakasaad sa government-MILF peace agreement. (JUNE 26, 2024)

Pormal na humiling nitong Lunes ng permiso sa Commission on Elections ang Bangsamoro Party ng Moro National Liberation Front (MNLF) na makalahok sa pinakaunang Bangsamoro parliamentary elections sa susunod na taon.Naghain ng petisyon sa tanggapan ng Comelec sa Cotabato City na makalahok sa 2025 elections sa Bangsamoro Autonomous Region in Muslim Mindanao ang mga opisyales ng Bangsamoro Party, mas kilala bilang BAPA party, sa pangunguna ni Bangsamoro Labor and Employment Minister Muslimin Sema, na siya ring chairman ng MNLF central committee.Kasama ni Sema sa pag-submite ng kanilang petisyon sa Comelec ang mga kapwa opisyal ng MNLF na sina Abdulgalib Isnani Halud at mga kasapi ng Bangsamoro parliament na sina Omar Sema ng Cotabato City, Adzfar Usman ng Sulu at sina Muslimin Jakilan at Hatimil Hassan, parehong mga taga Basilan.Popular ang BAPA party, may mahigit 200,000 na na mga miyembro at supporters sa anim na probinsya at tatlong lungsod ng Bangsamoro region, sa mahigpit na pagbabawal nitong gamitin ng mga kasapi at mga taga-suporta ang Facebook at ang print at broadcast media sa pang-aatake, o paninira sa ibang mga regional political parties sa autonomous region.Magkatuwang ang MNLF at Moro Islamic Liberation Front, na ang chairman, si Ahod Ebrahim, ay siyang chief minister ng Bangsamoro Autonomous Region in Muslim Mindanao, sa pamamahala ng mga peace and local community-empowerment programs ng ilang mga ahensiya ng BARMM regional government. (JUNE 25, 2024)

Nagpahayag ng suporta ang Bangsamoro Autonomous Region in Muslim Mindanao Grand Coalition (BGC) sa layunin ni Pangulong Ferdinand Marcos, Jr. na maging mapayapa at makatotohanan ang kauna-unahang BARMM parliamentary elections sa susunod na taon.Sa ulat ng mga himpilan ng radyo sa Cotabato City nitong Martes, June 25, 2024, pinulong ng Pangulo ang mga mayor at mga governor sa BARMM nitong Lunes sa Diamond Hotel sa Manila kung saan kanyang ipinahayag sa kanila ang kanyang mithiin na maging maayos ang 2025 Bangsamoro regional elections at protektado sa anumang hindi kanais-nais na mga pangyayari.Ang BGG ay isang political coalition na naghahanda ng sumabak sa 2025 parliamentary elections, magkatuwang na pinamumunuan nila Sulu Gov. Hadji Abdusakur Tan, Lanao del Sur Gov. Mamintal Adiong, Jr., Maguindanao del Sur Gov. Mariam Sangki Mangudadatu, ang kaniyang kabiyak na si Suharto Mangudadatu na kasalukuyang director ng Technical Education and Skills Development Authority, at Basilan Congressman Mujiv Hataman.Sa pahayag nitong Martes, tiniyak ni Tan, ang kandidato ng BGC sa pagka-chief minister ng BARMM, na ang kanilang political coalition ay tutulong sa Malacañang, sa Commission on Elections, sa pulisya at militar sa pagtiyak na magiging maayos, malinis at mapayapa ng halalan sa autonomous region sa susunod na taon. (JUNE 25, 2024)

Nasamsam ng mga pulis ang P10.6 million na halaga ng sigarilyong mula sa Indonesia sa isang anti-smuggling operation sa Barangay Kajatian sa Indanan, Sulu nitong Biyernes.Sa pahayag nitong Lunes ni Brig. Gen. Prexy Tanggawohn, director ng Police Regional Office-Bangsamoro Autonomous Region, nasa magkatuwang na kustodiya na ng Indanan Municipal Police Station at ng Sulu Provincial Police Office ang nakumpiskang mga sigarilyong mula sa Indonesia.Natagpuan ng mga pulis ang 297 na malalaking kahon na naglalaman ng mga sigarilyo, abot ng P10.6 million ang halaga, sa isang bodega sa Sitio Smart sa Barangay Kajatian sa tulong ng mga residenteng masigasig ang suporta sa kampanya ng PRO-BAR laban sa pagbebenta sa Bangsamoro region ng mga sigarilyong imported na walang pahintulot mula sa Bureau of Customs.Isang lalaking nagbabantay ng warehouse kung saan nakaimbak ang mga nasamsam na mga sigarilyo ang agad na inaresto ng mga pulis sa naturang operasyon at ngayon inaalam na ng mga imbestigador mula sa kanya kung sino ang negosyanteng nagmamay-ari nito. (JUNE 24, 2024)