Isang taga Bangsamoro Autonomous Region in Muslim Mindanao, ang Certified Public Accountant na si Fatima Mending-Abas, ang nahalal na National Sectoral Director for Government ng Philippine Institute of Certified Public Accountants sa isinagawang halalan nito noong May 16, 2024.Ang CPA na si Ginang Mending-Abas ay internal audit director ng Ministry of Finance and Budget Management-BARMM na ang tanggapan ay nasa Bangsamoro capitol compound sa Cotabato City na siyang kabisera ng autonomous region.Sakop ng BARMM ang Maguindanao del Norte, Maguindanao del Sur, Lanao del Sur, Basilan, Sulu at Tawi-Tawi at ang mga lungsod ng Marawi, Lamitan at Cotabato.Si Ginang Mending-Abas, isang tubong Cotabato City, ay nanilbihan din bilang PICPA chapter president ng lungsod ng dalawang taon bago naging National Sectoral Director for Government nito kasunod ng isinagawang online at face-to-face elections nila ilang linggo pa lang ang nakakalipas. (June 3, 2024)
Month: June 2024
-
Aksidente sa Sultan Kudarat, Maguindanao
Isang pick-up truck ang gumulong-gulong sa highway at bumulusok sa gilid ng highway sa Barangay Rebuken sa Sultan Kudarat, Maguindanao del Norte nitong Linggo, June 2, 2024.Tatlo diumano ang sakay ng naaksidenteng pick-up truck, ngunit wala pang pahayag ang Sultan Kudarat Municipal Police Station hinggil sa kanilang kalagayan.Nawalan diumano ng control ang driver ng sasakyan kaya ito naaksidente. Inaalam pa ng mga imbestigador kung ano ang dahilan ng aksidente. (June 3, 2024)
-
3 combat rifles nasamsam ng CIDG sa 2 dealers sa Lanao del Sur
Arestado ang dalawang mga illegal gun dealers matapos magbenta ng dalawang M14 rifles at isang M16 rifle sa hindi unipormadong mga operatiba ng Criminal Investigation and Detection Group-Bangsamoro Autonomous Region sa Barangay Sarang sa Malabang, Lanao del Sur nitong hapon ng Sabado, May 8, 2024.Ayon kay Brig. Gen. Prexy Tanggawohn, director ng Bangsamoro regional police, nasa kustodiya na ng CIDG-BAR ang mga suspects na sina Jamel Cabila Musor at Pananggi Sarip Ampuan, nalambat sa isang operasyong nilatag ni CIDG-BAR regional chief Lt. Col. Ariel Huesca at ng kanyang mga tauhan, sa tulong ng mga impormanteng alam ang illegal na gawain ng dalawa.Sa mga hiwalay na pahayag nito ring Sabado, pinasalamatan ni Tanggawohn at Huesca ang mga impormanteng tumulong sa paglatag ng naturang matagumpay na entrapment operation. Labag sa Republic Act 10591 ang pagbebenta, o possession ng mga baril at pampasabog ng walang pahintulot sa national headquarters ng Philippine National Police. (June 8, 2024)
-
Jolo Airport sa Sulu may Wi-Fi na para sa mga plane passengers
May Wi-Fi connection na sa Jolo Airport sa mapayapa ng probinsya ng Sulu na maaring magamit ng mga pasahero ng mga eroplano habang nasa pre-departure area nito.Sa mga ulat nitong Sabado ng mga himpilan ng radyo sa Central Mindanao, magkatuwang ang Department of Information and Communications Technology, ang Bangsamoro Airport Authority (BAA) at ang tanggapan ni Bangsamoro Regional Transportation and Communications Minister Paisalin Pangandaman Tago sa pagpapatupad ng naturang proyektong layon ang mas mapaunlad pa ang komersyo sa Jolo at mapalawak pa ang serbisyo ng Ministry of Transportation and Communications sa buong Sulu.Ayon kay Tago, isa sa 80 na miyembro ng BARMM parliament, ang Wi-Fi project sa Jolo Airport ay kaugnay ng digitalization program ng Malacañang na naglalayong mas maging epektibo ang serbisyo ng lahat ng ahensya ng pamahalaan sa lahat ng rehiyon sa bansa.Ang dating magulong Sulu, kung saan dating may presensya ng teroristang grupong Abu Sayyaf na magkatuwang na nabuwag na ng pulisya, ng militar at ng provincial at municipal governments sa probinsya, ay kilala ng isang tourist destination dahil sa likas na ganda ng mga beach resorts nito na bukas 24-oras at potential na lugar din para sa mga agricultural projects na maaring pondohan ng mga kapitalistang taga-labas. (June 1, 2024)
-
Driver ng pick-up truck nasapol ng bus, patay, wasak katawan
Agad na namatay ang driver ng isang pick-up truck na nasapol ng isang unit ng Mindanao Star Bus dahil diumano, ayon sa mga kakilala nito at mga saksi, nagmaneho ng lasing kaya mabilis ang patakbo, nagawi sa maling lugar kaya naaksidente.Naganap ang aksidente nitong Biyernes, May 31, 2024, sa isang bahagi ng Davao-Digos Highway sa Barangay Bato sa Sta. Cruz sa bayan ng Davao del Sur.Sa ulat ng Sta. Cruz Municipal Police Station, wasak ang ulo ng driver na nasawi sa aksidente.Bagama’t may mga saksi na nagpatunay na wala itong kasalanan, agad namang nagpa-kustodiya sa mga pulis na nag-responde sa insidente ang driver ng bus na nakabangga sa pick-truck na minamaneho ng lasing. (June 1, 2024)