Abot sa halos isang toneladang mga basura ang nakolekta mula sa mga bahagi ng Altayan River sa Tampakan, South Cotabato ng mga residente at mga kawani ng isang mining company kaugnay ng kanilang magkatuwang na programang pagpapanatili ng kalinisan ng mga ilog at mga batis sa naturang bayan. Sa ulat ng mga himpilan ng mga radyo sa Central Mindanao nitong Miyerkules, kinumpirma ng mga lokal na opisyal ng Tampakan, kabilang sa kanila ang Blaan tribal leader na si Domingo Collado, Indigenous Peoples Mandatory Representative sa kanilang Sangguniang Bayan, na nagtulungan nitong Sabado, March 23, sa paglilinis ng Altayan River ang mga residente ng Barangay Liberty at mga empleyado ng Sagittarius Mines Incorporated, o SMI. Ang mga basurang naipon sa Altayan River ay mula sa mga tirahan ng mga residente sa mga kabundukan sa paligid, ayon sa mga barangay officials ng Liberty, isa sa mga barangay na sakop ng Tampakan. Ayon kay Collado, suportado ng tribong Blaan ang mga environment-protection programs ng mga lokal na komunidad at ng SMI, na may pahintulot mula sa Malacañang na magmina ng copper at gold sa Tampakan na posibleng pasisimulan sa susunod na taon. Bagama’t hindi pa nakakapag-mina ng copper at gold ang SMI sa Tampakan, malawak na ang mga joint environment-protection programs nito ng mga residente ng lahat ng barangay sa naturang bayan, ayon sa mga hiwalay na pahayag sa mga himpilan ng radyo ng mga Blaan tribal leaders at mga municipal officials. (March 27, 2024)

Dalawa ng sugatan, sina Mohammad Mohaimin Abdullah, at si Beverly Namla, sa ambush sa mataong Sinsuat Avenue sa Cotabato City bandang 11:00 p.m. nitong Lunes, March 25, 2024.Sakay ng isang puti na kotseng Suzuki Swift ang dalawa ng tambangan ng dalawang lalaking sakay ng motorsiklo na nakabuntot sa kanila Ilang beses na pinaputukan ang kanilang sasakyan at masuwerte namang hindi malubha ang kanilang mga tama ng bala na tinamo sanhi ng naturang ambush.Sa pahayag ng Cotabato City Police Office nitong umaga ng Martes, mabilis na nakatakas ang mga nag-ambush kina Abdullah at Namla. (March 26, 2024)

Trese na sakay ng pampasaherong van ang nasunog ng buhay ng mabangga ang kanilang sasakyan ng isang dump truck, gumulong ng ilang beses at lumiyab sa kakaibang aksidente sa Barangay Luhong sa Antipas nitong Lunes, March 25, 2024. Sa inisyal na ulat nitong Lunes ng hapon, kinumpirma ni Cotabato provincial police director Col. Gilbert Balneg Tuzon ang pagkasawi ng limang pasahero ng van na nasangkot sa aksidente. Gumulong din ang dumptruck at nahiga ng patagilid sa lakas ng pagkakabangga nito sa passenger van at nagliyab, ayon sa mga imbestigador ng Antipas Municipal Police Station at mga kawani ng Antipas Municipal Disaster Risk Reduction and Management Office na nag-responde sa insidente. Ayon kay Tuzon, inaalam pa ng mga taga local government unit ng Antipas at ng mga imbestigador ng Antipas MPS ang mga pangalan ng lahat ng pasahero ng van na nasunog ng buhay sanhi ng aksidente. Lima pa lang sa kanila ang nakilala sa kanila, sina Nonoy Bunda, Ryse Vince Lopez, Coco Pojas, Kimberly Shane Armada at Jenivive Vincente, ayon kay Tuzon. (March 25, 2024)

Limang sakay ng pampasaherong van ang nasunog ng buhay ng mabangga ang kanilang sasakyan ng isang dump truck, gumulong ng ilang beses at lumiyad sa kakaibang aksidente sa Barangay Luhong sa Antipas nitong Lunes, March 25, 2024.Sa inisyal na ulat nitong Lunes ng hapon, kinumpirma ni Cotabato provincial police director Col. Gilbert Balneg Tuzon ang pagkasawi ng limang pasahero ng van na sangkot sa aksidente.Gumulong din ang dumptruck at nahiga ng patagilid sa lakas ng pagkakabangga nito sa passenger van, ayon sa mga imbestigador ng Antipas Municipal Police Station at mga kawani ng Antipas Municipal Disaster Risk Reduction and Management Office na nag-responde sa insidente. Ayon kay Tuzon, inaalam pa ng mga taga local government unit at ng mga imbestigador ng Antipas MPS ang mga pangalan ng limang pasahero ng van na nasunog ng buhay sanhi ng aksidente.Iniimbestigahan din ng pulisya kung sino ang may sala sa naturang kakaibang aksidente. (March 25, 2024)

Isang magnanakaw ng manok ang napatay ng mga pulis sa Barangay Wangan sa Calinan District sa Davao City nitong Sabado, March 23, 2024.Sa ulat ng Davao City Police Office, napilitang makipagpalitan ng putok ang mga pulis na nag-responde sa naturang insidente ng bumunot ng baril ang suspect na kanilang hinahabol batay sa sumbong ng mga residente na nakapansin ng ginawang pagnakaw nito ng mga manok na pansabong sa isang lugar sa Barangay Wangan.Marami ng ninakawan ng mga manok sa naturang barangay bago pa man napatay ng mga pulis ang isang suspect na maagap na nadiskubre ng mga residente ang ginawang krimen nitong madaling araw ng Sabado. (March 25, 2024, handout photo)

Agad na pumanaw sa tama ng bala ang isang babae na nabaril ng hindi pa nakikilalang salarin sa mataong bahagi ng Corrales Extension sa Cagayan de Oro City nitong gabi ng Linggo, March 24, 2024.Wala pang inilabas na opisyal na detalye ang pulisya hinggil sa insidente. (March 25, 2024, handout Facebook photo)

Abot sa 5,000 na mga residente ng probinsya ng Cotabato, 2,000 sa kanila mga agriculture students, ang tumanggap ng kabuuang P16 million na ayudang mula sa Assistance to Individuals in Crisis Situation (AICS) program ng pamahalaan nitong Linggo.Mismong sina Senator Aimee Marcos, Gov. Emmylou Mendoza, Cotabato Congresswoman Samantha Santos at Loreto Cabaya, Jr. na siyang regional director ng Department of Social Welfare and Development-12 ang magkatuwang na namahagi nitong Linggo ng ayudang P5,000 sa 2,000 na mga estudyante ng University of Southern Mindanao (USM) sa sentro ng Kabacan.Karagdarang P10 million pang ayuda ang ipamahagi ng apat na opisyal sa hiwalay na handout activities para sa mga residenteng Moro ng magkalapit na mga bayan ng Kabacan at Carmen.Sa mga hiwalay na dayalogo sa mga estudyante ng USM at mga pamilyang Moro na nakatanggap ang pondong gawad ng AICS, ipinahayag ng senadora na malaking tulong ang programa sa para sa mga mahihirap na residente ng probinsya ng Cotabato.Pinasalamatan ni Mendoza, na chairperson ng Regional Development Council 12 at kilala sa kanyang masigasig na suporta sa Mindanao peace process ng Malacañang, ang senadora kanyang pagbisita sa probinsya.Tiniyak din ng gobernadora na mas palalawigin pa niya at ng mga mayors sa Cotabato ang kanilang mga programang naglalayong mapabuti ang kalagayan ng mga komunidad na Moro sa probinsya. (March 25, 2024)

Bumaliktad ang isang pick-up truck ng masapol ng isang Toyota Fortuner sa isang intersection sa sa isang bahagi ng national highway at Roxas Avenue sa General Santos City nitong umaga ng Linggo, March 24, 2024.Ayon sa mga saksi, magkasalubong ang dalawang sasakyan, ang pick-up truck na hindi tumigil at naghintay sana dahil naka red light na ang traffic light, kaya ito nasapol ng umaarangkadang Fortuner na kasalubong.Wala namang nasaktan ng malubha sa pangyayari ngunit ito ay nagdulot ng istorbo sa daloy ng trapiko sa naturang lugar. (March 24, 2024, photo from Rodger Taylaran)

Napatay sa pamamaril ang negosyanteng si Aramae Bangot Diongson Bayhon sa Kidapawan City nitong umaga ng Sabado, March 23, 2024.Kalalabas lang ni Bayhon sa kanyang Toyota Land Cruiser na ipinarada sa Alim Street sa Kidapawan City, kabisera ng probinsya ng Cotabato, ng lapitan ng salarin at pinaputukan ng paulit-ulit hanggang sa mabuwal sa kalye.Si Bayhon ay residente ng Barangay Kisante sa bayan ng Makilala, Cotabato at may-ari ng isang hardware store at isang motorcycle shop sa naturang bayan.Mabilis na nakatakas ang pumatay kay Bayhon gamit ang isang motorsiklo. (March 23, 2024, with handout photo)

Isang 18-anyos na lalaking sangkot diumano sa ibat-ibang mga krimen ang napatay ng hindi pa nakikilalang mga salarin sa Garciaville sa Mankilam sa Tagum City sa Davao del Norte nitong Miyerkules, March 8, 2024.Ang napaslang na si Reymark Deron Angeles, kilala sa kanyang alias na “Marawi,” ay agad na namatay sa mga tama ng bala ng tambangan ng mga hindi pa kilalang mga lalaki sa naturang lugar na mabilis namang nakatakas.Ayon sa mga barangay officials at mga opisyal ng Tagum City Police Office, nasangkot sa ibat-ibang krimen ang napaslang na si Angeles. (March 22, 2024, handout photo)