Mga damo at puno sa masukal na lugar sa gilid ng highway sa Barangay Sengal Mabini sa Lamitan City, Basilan nasunog nitong hapon ng Linggo, March 31, 2024.Maagap namang napigil ng mga emergency responders ng Lamitan City local government at ng mga kasapi ng Bureau of Fire Protection ang paglawak ng sunog at pagkakalat nito sa iba pang mga lugar na tuyo na ang mga damo sanhi ng kawalan ng ulan mula pa nitong February 2024. (March 31, 2024)

Pick-up truck nakabundol ng poste ng Lanao del Sur Electric Cooperative sa crossing, o intersection ng mga highway sa mga bayan ng Pualas at Binidayan sa probinsya ng Lanao del Sur sa Bangsamoro region.Wala namang naiulat na nasawi o nasaktan ng malubha sa insidente. Posible diumanong nakatulog ang driver ng pick-up truck kaya ito lumihis at nabundol ang isang poste sa gilid ng highway. (March 30, 2024, handout Facebook photo)

Abot sa 36 na mga mahihirap na mga pasyenteng Muslim, mga Christian at mga indigenous people na may mga problema sa mata, ilan sa kanila “duling” ang inoperahan ng libre ng eye specialist na kasapi ng Bangsamoro parliament sa panibagong mga serye ng outreach missions na nagtapos nitong Miyerkules, March 29, 2024.Ang naturang humanitarian mission ay isinagawa ni Bangsamoro Parliament Member Kadil Monera Sinolinding, Jr., nagpakabihasa sa pagka ophthalmologist sa India, at ng mga kawani ng Deseret Ambulatory Referral Center sa bayan ng Kabacan sa Cotabato province.Abot na sa 2,983 ang mga mahihirap na residente ng Bangsamoro region at ng 63 na Bangsamoro barangays sa probinsya ng Cotabato sa Region 12 na may problema sa mata at paningin ang nagamot ng libre ng humanitarian team nila Sinolinding mula noong siya ay itinalagang kasapi ng regional parliament ng Bangsamoro Autonomous Region in Muslim Mindanao ni President Ferdinand Marcos noong 2022. Si Chief Minister Ahod Ebrahim ng Bangsamoro Autonomous Region ay sumusuporta sa eye care programs ni Sinolinding para sa mga mahihirap.Isa sa mga pasyenteng duling na inayos ni Sinolinding ang mata sa pamamagitan ng operasyon nito lang Miyerkules ay ang mahirap na magsasakang si Bernie Garde, 49-anyos, na taga President Roxas, isang liblib na bayan sa Cotabato. Hindi na duling si Garde bilang resulta ng operasyong ginawa ni Sinolinding. (March 30, 2024)

Maraming mga taga probinsya ng Quezon at Laguna ang naniniwala na ang pagpapaligo tuwing Semana Santa, o Holy Week sa English, sa tinataguriang banal na Sta. Lucia Falls sa Mount Banahaw sa boundary ng naturang dalawang probinsya sa Luzon ay naglilinis ng mga kasalanan at gamot sa mga ibat-ibang mga sakit sa katawan. (March 29, 2024, handout photo)

Maganda ang klima ngayong umaga sa Barangay Prosperidad sa San Carlos City sa Negros Occidental ngayon umaga ng Biyernes Santo, March 29, 2024. (Handout photo)

Maagap na na-respondehan ng mga kawani ng Columbio Municipal Disaster Risk Reduction and Management Office ang isang aksidente sa Barangay Maligaya sa Columbio, Sultan Kudarat nitong gabi ng Huwebes, March 28, 2024, at agad na naisugod sa hospital ang motoristang sangkot dito.Ang motoristang na-aksidente na ngayon ay nasa isang pagamutan na ay residente ng Barangay Sinapulan, Columbio, ayon sa Columbio MDRRMC. (March 29, 2024, handout photo)

Isang lalaki, ang 49-anyos na si Daggie Ottoh Araneta, pinagtataga hanggang sa mamatay sa 3rd street ng Lopez Subdivision sa Upper Calarian, Zamboanga City nitong Huwebes, March 28, 2024. (March 29, 2024, handout photo)

Isang malawak na bahagi ng natuyong damuhan sa Fatima area, hindi kalayuan sa General Santos City Airport, ang tinupok ng apoy nitong hapon ng Huwebes, March 28, 2024.Naging tigang ang masukal na mga damuhan sa naturang lugar sanhi ng kawalan ng ulan mula pa itong February.Marami ng mga grasslands sa mga probinsya ng Cotabato at Sultan Kudarat sa Central Mindanao at sa Zamboanga City ang nasunog nitong nakalipas lang na dalawang linggo. (March 28, 2024, handout photo)

Patay sa mga tama ng bala ang isang motoristang na-ambush nitong umaga ng Miyerkules, March 27, 2024, sa Barangay Lulutan sa Dimataling, Zamboanga del Sur.Agad na pumanaw ang biktima, si Marjun Villabeles, ng mga tama ng bala na kanyang tinamo sa naturang pananambang. (March 27, 2024, Handout Photo)

Patay ang isang tricycle driver at malubhang nasugatan ang kanyang dalawang pasahero ng mabangga ng isang 10-wheeler truck sa Barangay Camalig sa Dumalinao, Zamboanga del Sur nitong gabi ng Martes, March 26, 2024.Ninakawan pa ng mga taong unang nakakita sa naganap na aksidente ng kanyang cash collections ang driver ng tricycle na nasawi sa aksidente, ayon sa ulat ng mga barangay officials.Kusang loob na nagpakustodiya na sa Dumalinao Municipal Police Station ang driver ng truck na nasangkot sa aksidente. (March 27, 2024)