Umamin na ang isang mister sa pagpatay ng kanyang misis nitong nakalipas lang na linggo na ang bangkay ay kanyang itinapon sa isang liblib na lugar sa Tagum City sa Davao del Norte.Sa ulat ng Tagum City Police Office nitong Sabado, February 17, 2024, nasa kustodiya na nito ang suspect, si Winnie Baylon.Dahil diumano sa kanilang away tungkol sa kanilang pag-aaring kapirasong sakahang lupa, pinatay ni Baylon ang kabiyak na si Jenelyn, 46-anyos, ipinasok sa sako at itinapon sa gilid ng Timog-Apokon Road sa Tagum City.Ayon sa mga kakilala at mga kamag-anak, matagal ng parang may senyales ng pagka-addict sa shabu si Baylon.Sumuko siya sa pulisya at umamin sa kanyang nagawang krimen kamakalawa, ayon sa pulisya at mga kamag-anak ng misis niyang kanyang pinatay sa bugbog, sakal at pagpalo ng matigas na bagay sa ulo nito. (February 17, 2024)