COTABATO CITY (August 17, 2026) — Karagdagang 20 pa na mga college students mula sa mga mahirap na pamilya ang napabilang sa mga scholars ng isang miyembro ng Bangsamoro parliament na masigasig ang mga humanitarian missions sa mga bayan sa Bangsamoro Special Geographic Area sa probinsya ng Cotabato.

Ang naturang mga bagong scholars ng tanggapan ni Bangsamoro parliament member Kadil Sinolinding, Jr. ay sumailalim na sa kaukulang orientation kaugnay ng kanilang pagiging benepisyaryo ng scholarship grants ng kanyang tanggapan sa 80-seat regional parliament.

Ang Bangsamoro Special Geographic Area, mas kilala na Bangsamoro SGA, ay may walong predominantly-Moro municipalities na nasa ilalim ng Bangsamoro regional government, ngunit nasa probinsya ng Cotabato na sakop ng Administrative Region 12.

Mismong mga regional officials sa BARMM government at mga local executives sa Bangsamoro SGA ang nag-ulat nitong Lunes, August 17, ng pagkaka-dagdag ng mga scholars ng tanggapan ni Sinolinding, mas kilala na “Doc Jojo,” na siya ring namamahala ng Ministry of Health-Bangsamoro Autonomous Region in Muslim Mindanao.

Ang karagdagang 20 pa na mga bagong scholars ng tanggapan ni Sinolinding, mas kilala na “Doc Jojo” sa Bangsamoro SGA, ay dumalo sa symbolic na signing ng mga scholarship contracts nito lang August 13 sa Cotabato City sa isang okasyon, ang Mass Signing of Scholarship Contracts and Orientation of 1st Cohort Grantees under the Access to Higher and Modern Education College Assistance Program, na inorganisa ng Ministry of Basic, Higher and Technical Education-BARMM.

Ang physician-ophthalmologist na Sinolinding at ang BARMM health ministry na kanyang pinamumunuan ay maraming mga ekstensibong humanitarian activities sa Bangsamoro SGA na suportado ng pribadong Deseret Surgimed Hospital sa Kabacan, Cotabato, ng mga mayors, vice mayors at mga barangay officials Bangsamoro SGA at ni Cotabato Gov. Emylou Taliño-Mendoza.

Makikita sa larawan ang mga karagdagang bagong scholars ng tanggapan ni Sinolinding na dumalo sa mass scholarship contract signing na inorganisa ng Bangsamoro education ministry, ginanap sa Cotabato City nitong August 13 lang.

COTABATO CITY (August 16, 2026) — Tatlong governors at isang vice governor sa Bangsamoro Autonomous Region in Muslim Mindanao ang sumanib na sa Bangsamoro Federalist Party sa isang seremonya na ginanap sa regional capitol ng BARMM sa Cotabato City nitong Linggo, August 16.

Ang Bangsamoro Federalist Party ay isa sa mahigit 10 na mga political parties na binigyang pahintulot ng Commission on Elections na lumahok sa September 14 parliamentary elections sa BARMM.

Ang tatlong mga governors, sina Ysmael Sali ng Tawi-Tawi, Tucao Mastura ng Maguindanao del Norte at Ali Midtimbang ng Maguindanao del Sur, at si Vice Gov. Jim Salliman ng Basilan ay nanumpa ng katapatan sa Bangsamoro Federalist Party sa harap ni BARMM Chief Minister Abdulraof Macacua, ang regional chairman ng partido.

Ginanap ang oathtaking nila Sali, Mastura, Midtimbang at Salliman sa Shariff Kabunsuan Complex sa loob ng BARMM capitol sa Cotabato City nitong umaga ng Linggo.

Saksi sa naturang seremonya ang BARMM parliament members na sina Tomanda Antok at Naguib Sinarimbo na kabilang sa mga founders ng Bangsamoro Federalist Party, si Bangsamoro Local Government Minister Jordan Bayam at iba pang mga regional lawmakers at mga local executives mula sa Tawi-Tawi, Maguindanao del Norte, Maguindanao del Sur at Basilan.

Sobra sa kalahati na ng 116 municipal mayors sa BARMM ang una ng sumanib na sa Bangsamoro Federalist Party nitong nakalipas na anim na buwan.

Si Vice Gov. Salliman ay sinamahan sa venue ng naturang oathtaking rite ng mga mayors ng ibat-ibang bayan sa Basilan.

Dumalo rin sa naturang oathtaking si Lanao del Sur Gov. Mamintal Adiong, Jr., kung saan kanyang ibinalita sa maraming mga sumaksi rito ang kanyang full support sa liderato ni Chief Minister Macacua na ayon sa kanya ay nais niya at ng kanyang mga constituent-local executives na maging chief minister pa rin ng BARMM matapos ang September 14 parliamentary elections sa rehiyon.

Si Adiong ay isang ranking official ng Serbisyong Inklusibo, Alyansang Progresibo (SIAP) Party — ang pinaka-unang regional party sa BARMM, na-organisa noon pang panahon ng pinalitan nitong Autonomous Region in Muslim Mindanao, o ARMM, noong 2019.

Ang popular na SIAP Party ay may mahigit 500,000 na mga dokumentadong miyembro at supporters sa limang probinsya at tatlong lungsod sa Bangsamoro region.

Makikita sa larawan, mula sa kaliwa, sina Mastura, Sali, Midtimbang at Salliman sa kanilang oathtaking bilang mga bagong miyembro ng Bangsamoro Federalist Party.