Nasamsam ng mga pulis ang P147,288 na halaga ng shabu sa isang security guard na taga Datu Abdullah Sangki, Maguindanao del Sur na nagtatrabaho sa isang establisyemento sa Davao City.
Hindi na pumalag pa ang security guard na kinilala lang pansamantala ng Davao City Police Office na “Morsid” ng arestuhin matapos magbenta ng P147, 288 na halaga ng shabu sa mga hindi unipormadong mga pulis sa isang entrapment operation madaling araw nitong Martes, sa kanyang tinitirhan sa Purok 3 sa Illumina Heights sa Barangay Communal sa Buhangin, Davao City.
Nahaharap na sa kasong paglabag sa Comprehensive Dangerous Drugs Act of 2002 and suspect na nasa kustodiya na ng Davao City police. (Dec. 3, 2024, handout photo)
