๐๐๐ฟ๐ผ, ๐ฑ ๐ฝ๐ฎ ๐๐ฎ ๐ ๐ฎ๐ฟ๐ฎ๐๐ถ ๐ป๐ฎ๐ธ๐๐บ๐ฝ๐ถ๐๐ธ๐ฎ๐ต๐ฎ๐ป ๐ป๐ด ๐ฃ๐ฏ.๐ฐ-๐ ๐ต๐ฎ๐น๐ฎ๐ด๐ฎ ๐ป๐ด ๐๐ต๐ฎ๐ฏ๐
Arestado ang isang diumano school teacher at lima niyang kasabwat na nabilhan ng P3.4 million na halaga ng shabu ng mga anti-narcotics agents sa isang entrapment operation sa Barangay Rapasun sa Marawi City nitong Biyernes, November 22.
Sa pahayag nitong Sabado ni Gil Cesario Castro, director ng Philippine Drug Enforcement Agency-Bangsamoro Autonomous Region, nahaharap na sa kaukulang mga kaso ang mga nakakulong ng guro na si Fatima Pangcoga Oranggaga at mga kasabwat niyang sina Hania Alcantara Delinogun, Esmael Antal Mamarinta, Alfatah Pangcoga Oranggaga at Juhaifa Pangcoga Oranggaga.
Agad silang inaresto ng mga operatiba ng PDEA-BARMM at mga kasapi ng police units na sakop ng Police Regional Office-Bangsamoro Autonomous Region na kanilang nabentahan ng kalahating kilo shabu, nagkakahalaga ng P3.4 million, sa isang entrapment operation sa Barangay Rapasun sa Marawi City.
Isang menor-de-edad na kasama ng limang naka-detine ng shabu dealers ang agad na ipinakustodiya ng PDEA-BARMM sa mga kawani ng Marawi City Social Welfare Office at Bangsamoro social services ministry. (Nov. 23, 2024)
