COTABATO CITY (September 12, 2026) — Isang kilalang beteranong regional lawmaker — si Datu Bimbo Quesada Sinsuat, Sr. — na nagsimula ang public service career bilang official ng nabuwag ng Lupong Tagapagpaganap ng Pook 12 at ng Autonomous Region in Muslim Mindanao, ay kandidato para sa Bangsamoro parliament bilang nominee ng BARMM Grand Coalition, number 5 sila sa balota.

Gaganapin na sa Lunes, September 14, ang regional elections at ang BARMM Grand Coalition ay ang isa sa mga partidong pinahintulutan ng Commission on Elections na lumahok sa naturang electoral exercise, pinakauna sa autonomous region mula ng ito ay itinatag noong 2019, kapalit ng less empowered at noon ay 27 taon ng ARMM.

Si Datu Bimbo, habang official ng nabuwag ng LTP 12 at ARMM, ay aktibo sa mga peace and sustainable development programs ng naturang mga autonomous government entities, parehong naitatag kaugnay ng Mindanao peace process ng Mindanao Moro communities at ng national government.

Siya ay kabilang sa mga nominees, para sa bloc representation ng BARMM Grand Coalition sa 80-set Bangsamoro parliament, at number 5 sila sa balota.

Kabilang sa mga local executives na mga founders ng BARMM Grand Coalition sina Lanao del Sur Gov. Mamintal Adiong, Jr. at Basilan Gov. Mujiv Hataman. Maliban sa kanyang posisyon sa BARMM Government Coalition, si Adiong ay isa rin sa mga top official ng pinaka-pioneer na regional political party sa Bangsamoro region, ang Serbisyong Inklusibo, Alyansang Progresibo, o SIAP, na kabilang sa mga miyembro ang mahigit 30 sa 39 na mga mayors ng mga bayan sa Lanao del Sur.

May special blessing ang BARMM Government Coalition sa kandidatura ni Bai Sandra Sema sa pagka-parliament member ng 4th parliamentary district ng Maguindanao del Norte, isa sa limang probinsya sa autonomous region. Sakop ng naturang distrito ang mga bayan ng Datu Odin Sinsuat, Datu Blah Sinsuat at Upi.

Si Bai Sandra, kasapi ng influential at well-organized din na Bangsamoro Party, o BaPa Party ng Moro National Liberation Front, ay popular sa kanyang pag-suporta sa pagtatag ng BARMM noong siya ang congressional representative, o congresswoman, ng first district ng Maguindanao na nahati na sa dalawa, ang Maguindanao del Norte at ang Maguindanao del Sur.

PIKIT, Cotabato (September 12, 2026) — Lantarang magkahiwalay na nagpahayag na ng pagkagusto sa kandidatura ni Doc Jojo para sa parliament seat ng 2nd district ng Bangsamoro Special Geographic Area ang mga incumbent municipal at barangay officials at mga traditional Moro at non-Moro indigenous community leaders sa mga barangays nito.

Ang Doc Jojo ng mga residente ng naturang distrito sa Bangsamoro Special Geographic Area ay ang physician-ophthalmologist na si Kadil Sinolinding, Jr. na kasalukuyang appointed member ng 80-seat Bangsamoro parliament na siya ring minister ng Ministry of Health-Bangsamoro Autonomous Region in Muslim Mindanao. Siya ay tinagurian din nilang “doctor to the barrio” dahil sa kanyang paglilibot sa kanilang mga barangay, kasama mga volunteer health workers, mga nurses at doctors, upang manggamot ng mga mahirap na may ibat-ibang mga sakit.

Saklaw ng 2nd district ng Bangsamoro Special Geographic Area ang apat na mga bagong tatag na mga municipalities — ang Ligawasan, Old Kaabacan, Kapalawan at Malidegao — na nasa ilalim ng regional government ng BARMM, ngunit nasa teritoryo ng Cotabato na isa sa apat na mga probinsya sa Region 12.

Kabilang sa mga nagpakita na ng ganap na suporta sa kandidatura ni Doc Jojo sina Mayor Ismael “Boy Hashim” Mama ng Ligawasan, ang kanilang vice mayor, si Bai Jenaida Abas, at si municipal councilor Max Tingle at maraming mga barangay officials.

Ganun din ang ipinakita ng influential na si BARMM parliament member Jack Abas, residente din ng Bangsamoro Special Geographic Area, at ilan pang mga elected officials sa Ligawasan, Old Kaabacan, Kapalawan at Malidegao, ayon sa mga ulat ng mga radio stations sa mga bayan sa Cotabato province at sa kabisera nito, ang Kidapawan City, nitong Sabado, September 12.

Naiulat ng mga radio stations sa Cotabato province at regional newspapers na maraming mga local executives sa Ligawasan, Old Kaabacan, Kapalawan at Malidegao ang nag-kumpirma na kanilang ibabalik, sa pamamagitan ng pag-suporta sa kandidatura para sa BARMM parliament ni Doc Jojo, ang kanyang pagkaka-gamot ng mahigit 6,000 na mga residenteng sakop nila na may may mga karamdaman sa mga serye ng kanilang medical missions mula 2022.

Naging katuwang ni Doc Jojo sa naturang mga humanitarian activities ang public service team ng kanyang tanggapan sa parliament, mga kawani ng Ministry of Health-BARMM, ang tanggapan ni Cotabato Gov. Emmylou Taliño, ng municipal health workers at mga local government officials sa Ligawasan, Old Kaabacan, Kapalawan at Malidegao

Kabilang sa mga nagamot nila Doc Jojo at kaniyang mga partners sa kanilang public service missions sa 2nd district ng Bangsamoro Special Geographic Area ang maraming mga bata at mga buntis na may ibat-ibang mga karamdaman at mga senior citizens na may mga cataract at pterygium ang mga mata na siya mismo ang nag-opera bilang isang physician-ophthalmologist na nagpakadalubhasa sa India.

Ayon sa mga radio reports nitong Sabado, kabilang sa mga nagpahayag na ng suporta sa kandidatura ni Doc Jojo ang maraming mga miyembro at commanders ng Moro Islamic Liberation Front at Moro National Liberation Front na naninirahan sa 2nd district ng Bangsamoro Special Geographic Area.

Kasama sa mga nagpahayag ng paniniwalang mas marami pang matutulungan si Doc Jojo na mga mahirap na residente ng 2nd district ng Bangsamoro Special Geographic Area kung siya ang elected representative nila sa BARMM parliament ang maraming mga MNLF leaders sa apat na bayan na sakop nito na pinamumunuan ng kanilang chairman na si Muslimin Sema, na siya ring labor and employment minister ng Bangsamoro government.

Ang MNLF at MILF ay may hiwalay na mga peace agreements sa Malacañang at nagtutulungan sa mga peace and development initiatives ng BARMM regional government. [][][]

COTABATO CITY (September 11, 2026) — Karagdagang daan-daan pang mga residente ng Cotabato City ang kusang loob na nagpa-miyembro na, bilang supporters at peacebuilders, ng Bangsamoro Federalist Party, o BFP, na may mga kandidato para sa parliamentary districts ng Bangsamoro Autonomous Region in Muslim Mindanao sa lungsod.

Ang Cotabato City, may 37 barangays, ay siyang kabisera ng BARMM na sakop ang mga probinsya ng Maguindanao del Sur, Maguindanao del Norte, Lanao del Sur, Basilan at Tawi-Tawi at dalawa pang lungsod, ang Lamitan at Marawi, at walong mga bagong tatag na municipalities sa Bangsamoro Special Geographic Areas sa probinsya ng Cotabato na sakop ng Administrative Region 12.

Mas marami pang mga taga Cotabato City ang sumanib na sa Bangsamoro Federalist Party nitong nakalipas na dalawang linggo, ayon sa pahayag nitong Biyernes sa mga media outfits sa lungsod ng mga barangay officials at mga local Muslim, Christian at non-Moro indigenous community leaders.

Nagtipon ang daan-daang mga residente ng Cotabato City sa ibat-ibang mga venue ng voters education activities ng Bangsamoro Federalist Party nitong nakalipas lang na mga araw, kung saan sila at ang kanilang mga community leaders ay nangako ng suporta sa inisyatibo ng Cotabato City Police Office, ng 6th Infantry Division ng Philippine Army at ng 6th Marine Battalion ng 1st Marine Brigade, na may mga tropa sa kani-kanilang mga barangay, na maging mapayapa at malinis ang September 14 BARMM parliamentary elections sa lungsod.

Ang abogadong si Naguib Sinarimbo, kasalukuyang miyembro ng 80-seat Bangsamoro parliament, dating local government minister ng BARMM, ang isa sa mga kandidato ng Bangsamoro Federalist Party para sa parliamentary seats sa Cotabato City, na may tatlong parliamentary districts. Siya ay kandidato ng partido para sa parliamentary seat ng 2nd district sa Cotabato City.

Una ng nagpahayag sina parliament member Sinarimbo at mga barangay officials sa Cotabato City at ang kanilang chief executive, si Mayor Bruce Matabalao, ng suporta sa pagsisikap ng pulisya at militar at the Commission on Elections na na maging mapayapa at malinis ang isasagawang parliamentary elections sa kani-kanilang mga lugar ngayon Lunes, September 14.

Makikita sa dalawang mga larawan ang mga pagtitipon ng mga residente ng Cotabato City kaugnay ng kanilang pagsanib sa Bangsamoro Federalist Party, isa sa mahigit 10 na mga regional political parties na pinahintulutan ng Comelec na lumahok sa September 14 parliamentary elections sa BARMM.